ԱՊՊԱ պայմանագրերը սպասարկող 6 ապահովագրական ընկերությունները մեկ օրում գրանցել են ավելի քան 1000 վթար՝ ստեղծելով աննախադեպ իրավիճակ։ Հայաստանի ապահովագրողների միությունը հայտնում է, որ համակարգը գերբեռնված է, իսկ հեռախոսագծերը՝ ծանրաբեռնված։
Մինչդեռ ՆԳՆ-ն հայտնել է զգալիորեն ավելի փոքր թիվ՝ նշելով, որ վերջին 24 ժամում հանրապետությունում արձանագրվել է ընդամենը 18 ճանապարհատրանսպորտային պատահար, որոնց հետևանքով 26 մարդ ստացել է տարբեր աստիճանի մարմնական վնասվածքներ։
Վթարների մասին ապահովագրական ընկերությունների և պետական մարմինների հրապարակած տվյալների կտրուկ անհամապատասխանությունը բարձրացնում է հարցեր՝ կապված պատահարների իրական մասշտաբների և առկա իրավիճակի կառավարման կարողության հետ։
