Փաստաբան Ռուբեն Մելիքյանը գրում է. «Դուրս եկանք քննչականից։ Էդգարին առաջադրվեց մեղադրանք, որը ենթադրում է մինչև 5 տարվա ազատազրկում»։
Խոսքը նախկինում ՀՀ սահմանադրական դատարանի աշխատակազմի ղեկավար, Լեհաստանի Հանրապետությունում ՀՀ արտակարգ և լիազոր դեսպան, ՀՀ Վայոց ձորի մարզպետ, Հայաստանի պետական տնտեսագիտական համալսարանի կառավարման ֆակուլտետի դեկան Էդգար Ղազարյանի մասին է:
Ավելի վաղ Էդգար Ղազարյանը հայտնել էր. «Երեկոյան կրկին հրավիրվել եմ ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժին այն դեպքում, երբ Երևանի քաղաքապետը հորդորել էր աշխատել կամ տանից դուրս գալ ծայրահեղ անհրաժեշտության դեպքում։ Անկեղծ ասած՝ չեմ կարողանում մտաբերել, թե ինչ ծանր հանցագործություն եմ գործել, որ հրատապ կարգով որոշել են վատ եղանակային պայմաններում, ոչ աշխատանքային ժամին ինձ հրավիրել հարցաքննության»:
Կարդացեք նաև
