«37 տարի առաջ այս օրը այս նույն կետն էր, նույն ձյունն էր, նույն մարդիկ էին, փոքրաթիվ մարդիկ էին, որոնք դուրս էին եկել այս նույն հրապարակ եւ իրենց հանձնառությունն էին հայտնում մեր ինքնության եւ ազատագրության համար»,- Ազատության հրապարակում հրավիրած հանրահավաքում ասաց «Սրբազան շարժման» առաջնորդ Բագրատ սրբազանը։
Նա նշեց, որ 37 տարի մեր կենսագրությունից գողացված է, մենք վերադարձել ենք այն նույն կետին, որտեղ գտնվել ենք 37 տարի առաջ։
«Հարցնում են Արցախ վերադարձի հնարավորության մասին։ Ամեն ինչ հնարավոր է այս կյանքում, եւ 37 տարի առաջ, երբ մարդիկ այս նույն ձյան տակ այդ պրկումն ունեցան, ոչ ոք չէր մտածում, թե ինչ է լինելու հետագայում։ Բայց ազատագրվեց Արցախը, բայց առաջին հերթին ազատագրվեց Հայաստանը։ Հայաստանի ազատագրությունը երաշխիք դարձավ Արցախի ազատագրության, եւ նույնը լինելու է նաեւ այսօր»,- հայտարարեց Բագրատ սրբազանը։
Կարդացեք նաև
Ռոզա ՀՈՎՀԱՆՆԻՍՅԱՆ
