«Ղարաբաղ վերադառնալու երեք կռվան ունենք՝ մեկը Մինսկի խումբն է, մյուսը՝ նոյեմբերի 9-ի հայտարարությունն է, երրորդը՝ տարբեր ատյաններում տարբեր պետությունների հետ աշխատելը»,- Ազատության հրապարակում հրավիրած հանրահավաքում ասաց «Միասին» շարժման համահիմնադիր Հրանտ Բագրատյանը։
Նա ասաց, որ Նիկոլ Փաշինյանն արդեն հայտարարել է, որ Մինսկի խումբը պետք է լուծարել, ինչպես Ալիեւն է ասում։ «Այսօր հայտարարեցին, որ իբր թե նոյեմբերի 9-ի հայտարարությունն արդեն չի գործում։ Չի գործում, դուրս արի, մուտիլոկվա։ Հանեց արցախցիներին վտարեց Արցախից, դրանից հետո 2024 թվականին հայտարարեց՝ եթե ես Արցախը չտայի, Հայաստան չէր լինի։ Ստացվում է, որ խոստովանեց, որ տվել է»,- ասաց նա։
Հրանտ Բագրատյանը նշեց, որ Նիկոլ Փաշինյանի ասած իրական Հայաստանն այն է, որը դառնում է «պրոխոդնոյ դվոռ» բոլորի համար, այդ թվում՝ ադրբեջանցիների եւ թուրքերի։ «Այսպիսի ժուլիկ, այսպիսի խաբեբա ես չէի տեսել։ Ես չգիտեմ՝ իր կառավարման վերջը պետք է տալ։ Ասում է՝ պետությունը դու ես։ Արա, ընկեր ջան, պետությունը դու ես, ես չեմ, դու իմ վրա ես գցում, որ ասես՝ Ղարաբաղը ես եմ տվե՞լ։ Մենք 3000 տարվա ժողովուրդ ենք, որ Ենոքավանից մեկը գար, սենց կռուտիտներ աներ, մեզ վարի տա՞ր»,- ասաց Բագրատյանը։
Նա հավելեց, որ մարտի 6-ին հերթական հանրահավաքն է լինելու, ժողովրդից է կախված, պետք է ստիպել, որ Փաշինյանն այս տարի դիմում գրի։
Կարդացեք նաև
Ռոզա ՀՈՎՀԱՆՆԻՍՅԱՆ
