«Մենք պարտավոր ենք Արցախը պահպանել որպես հայկական, Արցախը Հայաստանի դարպասն է, Հայաստանը կդառնա անպաշտպան, եթե Արցախը հայկական չլինի»,- Ազատության հրապարակում «Միասին» շարժման հանրահավաքից առաջ լրագրողներին ասաց Հայաստանի Դեմոկրատական կուսակցության նախագահ Արամ Սարգսյանը։
Անդրադառնալով Նիկոլ Փաշինյանի հայտարարությանը՝ հանրաքվեով նոր Սահմանադրություն ընդունելու անհրաժեշտության մասին, Արամ Սարգսյանն ասաց․ «Հատուկ այսպիսի օրեր է ընտրում՝ հասկանալով, որ փետրվարի 20-ն ազգային ազատագրական պայքարի, վերելքի օրն է։ Եվ հիմա ցնդաբանություններ են, առաջին կուրսում կուրսային են գրում այդպիսի հարցերով, էս տղան երեւի չի էլ գրել։ Ասածի ամբողջ իմաստը մեկն էր՝ Սահմանադրությունը փոխելը։ Ինձ համար միեւնույն է՝ ինքը գործակալ է, թե գործակալ չէ, այս ազգի շահերին հակառակ գնացվող մարդ է, թե ոչ, մեզ համար հասկանալի է, որ ինքն այսօրվա մեր պետության շահերը դրել է մի կողմ, իր անձնական խնդիրներն է փորձում կարգավորել։ Դրա համար Սահմանադրության փոփոխության հարցը մենք պետք է ընդհանրապես բացառենք, սրան պետք է հեռացնել իշխանությունից, ուրիշ ելք չունենք»։
Արամ Սարգսյանն ասաց, որ ԵԱՀԿ Մինսկի խումբը պետք է նորից աշխատի, դա կբերի նրան, որ վերջապես նորից միջազգայնացված կլինի Արցախի հարցը։ Առանց միջնորդների այս հարցը չի լուծվի։ Արամ Սարգսյանն ասաց, որ Նիկոլ Փաշինյանը ոչ մի իրավունք ու լիազորություն չուներ Արցախն Ադրբեջանի կազմում ճանաչելու։ «Առանց հանրաքվե անցկացնելու այդպիսի որոշումը լեգիտիմ չէ, ինքը հանցագործություն է կատարել մեր պետության ու ժողովրդի դեմ»,- ասաց նա։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
