Ռեֆորմիստների կուսակցության նախագահ, ԱԺ նախկին պատգամավոր Վահան Բաբայանի ֆեյսբուքյան գրառումը
Եթե ուզում ես ուժեղ Հայաստան, պայքարիր դրա համար
«Վերափոխումը կենսական անհրաժեշտություն է». ասում է Նիկոլը։
Իսկ մե՞նք: Մեզ ո՞վ է հարցնում, երբ պետական համակարգը քանդում են սեփական քաղաքական շահերի համար: Երբ ժողովրդին ու նրա կառուցած պետությունը դարձրել են փորձադաշտ: Երբ թուրքերն են որոշում Հայաստանի ներքին ու արտաքին քաղաքականությունը։ Մեզ պե՞տք են արդյոք այդպիսի վերափոխումները։ Մեզ պետք չէ «երազային Հայաստան», մեզ պետք է իրական Հայաստանը՝ ազատ, արդար, ուժեղ և խաղաղ: Այնպիսին, ինչպիսին եղել է Սերժ Սարգսյանի կառավարման ժամանակ՝ ազատ ու հայկական Արցախի հետ միասին։
«Իրական Հայաստանը» պետք է լինի ոչ թե բառերի, այլ գործողությունների մեջ: Նիկոլը տարիներ շարունակ խոստանում է փոփոխություններ, բայց ի՞նչ ենք ստացել: Արտագաղթ, գործազրկություն, պատերազմ,անկայունություն: Ժողովրդի մի մասը սոված է, հայրենիքը դատարկվում է:
Այս իշխանությունը չի կարող լուծել մեր խնդիրները, որովհետև ինքն է այդ խնդիրների արմատն ու գլխավոր պատճառը:
Կարդացեք նաև
Ժամանակն է արթնանալու:
Եթե ուզում ես ուժեղ Հայաստան, պայքարիր դրա համար:
