ՌԴ Քննչական կոմիտեն Աբխազիայում նախագահական ընտրությունների ժամանակ հայ բնակչության իրավունքների ոտնահարման նոր փաստեր է ներկայացրել: ՌԴ քննչական կոմիտեի պաշտոնական ներկայացուցիչ Սվետլանա Պետրենկոն նշել է, որ Ռուսաստանի սահմաններից դուրս հանցագործություն կատարած օտարերկրյա քաղաքացիները կարող են քրեական պատասխանատվության ենթարկվել Ռուսաստանի օրենսդրության համաձայն, եթե նրանց գործողություններն ուղղված են եղել ՌԴ քաղաքացիների դեմ։
Ըստ լրատվամիջոցների և սոցցանցերի տվյալների՝ փետրվարի 19-ին Գագրայի շրջանի Ծանդրիփշ գյուղում մոտ 20 մեքենաներով ժամանած մի քանի տասնյակ հոգանոց խումբը ճնշում է գործադրել գյուղական բնակավայրերի ղեկավարների վրա՝ փորձելով ստիպել հայ բնակչությանը հրաժարվել ընտրություններին մասնակցելուց։
Սվետլանա Պետրենկոյի խոսքով՝ նշանակվել են անհրաժեշտ փորձաքննություններ, այդ թվում լեզվաբանական։
Նաև հարցում է ուղարկվել իրավական օգնության մասին։
Կարդացեք նաև
