«Կենտրոն վարչական շրջանի առևտրի և սպասարկման բաժնի աշխատողն իր կամքով չէ քնից արթնացել, որոշել՝ գնա, տեսնի՝ ինչ կա ավտոբուսներում»,-«Երևանի ավտոբուս» ՓԲԸ-ի Ջրվեժ հավաքակայանում լրագրողների հետ ճեպազրույցում հայտարարեց Երևանի ավագանու «Մայր Հայաստան» խմբակցության ղեկավար Մանուկ Սուքիասյանը։
Նա նշեց՝ իրենց ձեռքի տակ ունեն այն աշխատանքային պայմանագիրը, որը կարգավորում է «Երևանի ավտոբուս» ՓԲԸ-ի և վարորդներ իրավահարաբերությունները ու վստահեցրեց․ «Այդ պայմանագիրն ասում է՝ անհրաժեշտության դեպքում վարորդն ուղևորներին կարող է զգուշացնել ուղեվարձը վճարել՝ միայն օրենքով սահմանված կարգով և չթույլատրել ուղեվարձն առձեռն վճարել։ Սրանից զատ ուրիշ ոչ մի գործառույթ չունի վարորդը։ Հարկադրելը կլինի, չվարելը, ավտոբուսից իջեցնել կամ սպառնալը կլինի, վարորդն իրավունք չունի»։
Լրագրողների հարցին՝ ի՞նչ եք կարծում, ուղեվարձը չվճարող քաղաքացիներին տուգանելու լծակ ունե՞ն, նա պատասխանեց․ «Եթե իրենք փորձեն տուգանքների կետեր մոգոնել օրենքների ինչ-որ կետերի մեջ, ինչ-որ ձև մարդկանց փորձեն տուգանել, դրանով նրանք ավելի մեծ թափ կհաղորդեն պայքարին։ Թող մտքներով չանցնի տուգանքի տարբերակը»։
Կարդացեք նաև
Տաթև ՀԱՐՈՒԹՅՈՒՆՅԱՆ
