Սաուդյան Արաբիայի մայրաքաղաք Էր Ռիադում թագավորական ընտանիքի պալատներից մեկում այսօր՝ փետրվարի 18-ին, կայացել են ռուս-ամերիկյան բանակցությունները:
Ռուսական կողմը ներկայացրել են ՌԴ արտգործնախարար Սերգեյ Լավրովն ու ՌԴ նախագահի օգնական, ԱՄՆ-ում ՌԴ նախկին դեսպան Յուրի Ուշակովը, ամերիկյան կողմը՝ ԱՄՆ պետքարտուղար Մարկո Ռուբիոն, ԱՄՆ նախագահի ազգային անվտանգության հարցերով խորհրդական Մայք Ուոլցը և Մերձավոր Արևելքի հարցերով հատուկ բանագնաց Սթիվ Ուիթքոֆը:
ՌԴ նախագահի օգնական Յուրի Ուշակովը մանրամասներ է ներկայացրել 4,5 ժամ տևած բանակցություններից։ «Շատ լուրջ զրույց էր բոլոր հարցերի շուրջ: Ռուսաստանի և ԱՄՆ-ի բանակցությունները վատ չեն անցել։ ՌԴ-ն ու ԱՄՆ-ը պայմանավորվել են հաշվի առնել միմյանց շահերը։ Երկու գերտերությունները չեն կարող միմյանց հետ չշփվել», – ասել է նա։
Ուշակովի խոսքով՝ առայժմ դժվար է ասել, որ Ռուսաստանն ու ԱՄՆ-ն մերձենում են, սակայն սկսել են խոսել այդ մասին։ Դժվար է Պուտին-Թրամփ հանդիպման կոնկրետ ժամկետ նշել. դժվար թե այն տեղի ունենա հաջորդ շաբաթ։
Կարդացեք նաև
Ռուսաստանի և ԱՄՆ-ի բանակցողների առանձին թիմերը կսկսեն շփումները Ուկրաինայի հարցով։ Որոշումը, թե ով կլինի Ուկրաինայի հարցով Ռուսաստանի բանակցային թիմում, կկայացնի Պուտինը: ԱՄՆ-ն դեռ չի նշանակել իր ներկայացուցիչներին։
