ՀՀ ԱԺ «Քաղաքացիական պայմանագիր» խմբակցության պատգամավոր Մարիա Կարապետյան
«Հայաստանի երկրորդ նախագահ Ռոբերտ Քոչարյանը իր ասուլիսի ժամանակ առաջարկեց իրավիճակին «նայել Ռուսաստանի աչքերով» և տեսնել, որ «երբ Լեռնային Ղարաբաղը հայտարարվում է Ադրբեջանի մաս, ռուսական առաքելությունը զրոյանում է»։
Այսինքն՝ ըստ Ռոբերտ Քոչարյանի՝ ռուսական առաքելությունը ոչ թե Լեռնային Ղարաբաղի ժողովրդի անվտանգությունը ապահովելն էր, այլ տարածքային ամբողջականության շուրջ Հայաստանի և Ադրբեջանի վեճի մեջտեղում կանգնելը։
Այդ դեպքում ինչպե՞ս է հնարավոր պնդել, թե Ռուսաստանը երբևէ շահագրգռված է եղել հակամարտության վերջնական լուծմամբ, եթե Ռուսաստանի՝ Հարավային Կովկասում ստանձնած պարտավորությունների կատարումը պետք է պայմանավորված լիներ Հայաստանի և Ադրբեջանի միջև ակտիվ հակամարտության առկայությամբ։
Կարդացեք նաև
Հետո իհարկե պատմեց այն մասին, որ ինքը Լեռնային Ղարաբաղը բանակցություններից դուրս չի թողել, որ Լեռնային Ղարաբաղը եղել է հակամարտության կողմ, ինքնորոշման իրավունք եւ այլն, բայց դե սրանք բաներ են, որոնցով Ռուսաստանին չես անհանգստացնի, Հայաստանը միայնա՛կ պետք է լիներ հակամարտության կողմ, որպեսզի ռուսական առաքելությունը աշխատեր»։
