«Բաքվում բեմադրված դատավարությունը այն մարդկանց մասին չէ, ովքեր այնտեղ նստած են, այս դատը ՀՀ դեմ է»,- այսօր հրավիրած ասուլիսում ասաց ՀՀ երկրորդ նախագահ Ռոբերտ Քոչարյանը։
Նա նշեց, որ Բաքվի բանտերում գտնվող անձանց հարցը պետք է լինի բանակցային սեղանին, բայց չկա։ «Եվ ասեմ, թե դա ինչ անդրադարձ է ունենալու Հայաստանի վրա՝ այսօր ոչ թե այդ մարդիկ են դատվում միայն, այսօր այնտեղ դատվում է նաեւ Հայաստանի Հանրապետությունը։ Այնտեղ դատվում է Հայաստանը, իրենք ամեն ինչ անելու են, որ այդ դատական որոշումներով ցույց տան, որ ինչ եղել է Ղարաբաղում, ղարաբաղցիները կապ չունեն, որ դա ինքնորոշման հարց չէր Ղարաբաղում, որ էն գլխից Հայաստանն էր այս ամենը սարքել Ադրբեջանի գլխին։ Այսօր չեք տեսնո՞ւմ Արայիկ Հարությունյանի հայտարարություններն այդ կոնտեքստում։ Եթե Հայաստանում չեն հասկանում, որ սա պրոբլեմ է առաջին հերթին Հայաստանի համար, ի՞նչ ասեմ։ Սրանով իրենք ուզում եմ խաչ քաշել ինքնորոշման իրավունքի վրա, ասեն, որ այն գլխից դա չի էլ եղել»,- ասաց նա։
Քոչարյանը հավելեց, որ ՀՀ իշխանությունների շահերից է բխում, որ այդ թատերական բեմադրությունը Բաքվում չլինի։ «Գոնե Հայաստանի Հանրապետության շահերը պաշտպանեք, ի պաշտոնե դուք պարտավոր եք դա անել»,- ասաց նա։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
