«Մյունխենի անվտանգության համաժողովը գրեթե ամբողջությամբ եմ նայել։ Վենսի ելույթն այդ իմաստով պատմական է։ Մեզ համար որևէ նոր բան չասաց, ասաց այն, ինչ տարիներ շարունակ խոսվում է` առնվազն ՀՀ-ի օրինակով, թե ինչքան երկդիմի, ցինիկ, երկերեսանի, անժողովրդավար, իրականում լիբերալ ֆաշիզմին ձգտող է այսպես կոչված լիբերալ ժողովրդավարության ներկայիս դրածո Նիկոլ Փաշինյանի ռեժիմը»,-իր գործով դատական նիստի հետո լրագրողների հարցերին ի պատասխան ասաց ՀՀԿ փոխնախագահ Արմեն Աշոտյանը՝ անդրադառնալով ԱՄՆ փոխնախագահ Ջեյ Դի Վենսի՝ Մյունխենում ելույթին։
Ըստ նրա՝ Վենսն ասաց, որ աշխարհում է այդպես․ «Ակնհայտ է, որ Նիկոլ Փաշինյանը զրկվելու մեծ հնարավորություն ունի իր աշխարհաքաղաքական հովանավորներից՝ առնվազն Ամերիկայում։ Բայց այստեղ շատ կարևոր է իներցիան։ Չմոռանաք, ողջ հարգանքով ի պաշտոնե դեսպանների նկատմամբ, տիկին դեսպանը սպասարկել է նախորդ վարչակազմի շահերը, այստեղ ակնհայտ կա և իներցիայի խնդիր և չեմ բացառում, որպես տեսություն՝ սաբոտաժի խնդիր։ Որքանով ամերիկյան խորքային պետության ելուստները կշարունակեն ՀՀ-ում ճզմել այլախոհությունը, նպաստել այլախոհների ճնշումներին, իրավապահ համակարգի շահարկումներին, այդպես էլ կհասկանանք՝ Վենսի խոսքերն առնվազն ՀՀ-ում կյանքի կոչվելու հեռանկար ունե՞ն թե ոչ՝ դրվածք փոխելու տեսակետից»։
Արմեն Աշոտյանը հորդորեց լրագրողներին Փաշինյանի տրանսֆորմացիաներ եզրույթը չօգտագործել ու ասաց․ «Ես Փաշինյանի փոփոխությունները երբեք տրանսֆորմացիա չեմ համարում, գուցե մուտացիա։ Իր դեպքում ակնհայտ է, որ որևէ լավ փոփոխության մասին խոսք լինել չի կարող։ Նիկոլ Փաշինյանի գերնպատակը մեկն է՝ վերարտադրվել ցանկացած գնով՝ անգամ, եթե իր աշխարհաքաղաքական հովանավորը դառնա միայն Էրդողանը, ինչին ականատես ենք»։
Կարդացեք նաև
Տաթև ՀԱՐՈՒԹՅՈՒՆՅԱՆ
