Այսօր հրավիրած ասուլիսում ՀՀ երկրորդ նախագահ Ռոբերտ Քոչարյանն անդրադարձավ հարցին, թե ինչո՞ւ է վերջին շրջանում քաղաքական դաշտում պասիվ եղել։
«Կարծիք էր իշխում նաեւ մամուլում, որ իմ ակտիվությունը, իմ մամուլի ասուլիսները եւ ինչ-որ տեղ նաեւ իմ գոյությունը խանգարում էր ուրիշ մարդկանց կայանալ քաղաքական դաշտում։ Ես համաձայն չէի այդ թեզի հետ, բայց այնուամենայնիվ որոշեցի այդ հնարավորությունը տալ ուրիշներին կայանալ ու դրսեւորվել։ Ես չէի խոսում, բայց իմ մասին խոսում էին, նույնիսկ իմ ստվերի մասին էին խոսում»,- ասաց նա։
Քոչարյանն ասաց, որ այսօր կա մի մեծ զանգված, որն սպասում է իր խոսքին։ «Երկրորդ պատճառը՝ մի պահ մտածեցի, որ միգուցե ճիշտ է վարչապետին թողնել մեն-մենակ իր ընտրազանգվածի հետ։ Մտածեցի, որ միգուցե օգտակար կլինի, որ ինքը բացատրի 600 հազար վարչապետներին, թե ինչու է իրենց կյանքը վատանում, թե ինչու է կառավարությունն անխնա, առանց ամոթի մտնում իրենց գրպանը, թե ինչո՞ւ են իրենք դարձել տուգանքի մատերիալ, թե ինչո՞ւ է կառավարությունը խրվել կոռուպցիայի մեջ եւ թե ինչո՞ւ է իրենց աղքատությունն իրենց գլխում, իսկ ՔՊ-ականների հարստությունը՝ իրենց սեյֆերում։ Այս հնարավորությունը տվել ենք, եւ կարծում եմ՝ սա ինչ-որ տեղ աշխատեց, ստապետությունն ինչ-որ տեղ սկսել է յուղ վառել»,- ասաց Քոչարյանը։
Նա անդրադարձավ նաեւ հարցին, թե ինչո՞ւ է որոշել մամուլի ասուլիս տալ հենց հիմա։
Կարդացեք նաև
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
