«Այսօր ղարաբաղցիներին Ղարաբաղ վերադարձնելու միակ ճանապարհը նոյեմբերի 9-ի հայտարարությունից կառչելն է։ Եթե Ադրբեջանն ասում է՝ ճանապարհ, մենք շատ հանգիստ կարող ենք ասել՝ այդ ճանապարհն ընդամենը մեկ կետ է եռակողմ հայտարարության մեջ, եթե դուք պատրաստ եք ամբողջությամբ այդ հայտարարությանը վերադառնալ, նստել քննարկել։ Եվ սա միակ տեղն է, որից կարելի է բռնել եւ ղարաբաղցիների վերադարձը հետ բերել բանակցային գործընթաց։ Այդ հնարավորությունը ես տեսնում եմ, հավանականությունը շատ փոքր է, բայց մենք այն վիճակում ենք, որ նույնիսկ փոքր հնարավորությունը պետք է օգտագործենք»,- այսօր հրավիրած ասուլիսում ասաց ՀՀ երկրորդ նախագահ Ռոբերտ Քոչարյանը։
Նա նշեց, որ այս իշխանությունը չի ուզում, որ արցախցիները վերադառնան, որովհետեւ դա կարող է բարդացնել ՀՀ իշխանությունների կյանքը։ Իրենց ավելի ձեռնտու է այնպես անել, որ արցախցիները Հայաստանում մնան։
Հարցին, թե ի՞նչ կարգավիճակով արցախցիները կարող են վերադառնալ Արցախ՝ Ադրբեջանի վերահսկողության տա՞կ, Քոչարյանը պատասխանեց․ «Շարունակում եմ մնալ նույն կարծիքին, որ առանց միջազգային երաշխիքների ոչ մի ղարաբաղցի հետ չի գնա։ Եթե խոսքը գնում է վերադարձի մասին, դա ենթադրում է երաշխիքների փաթեթ, դա արդեն բանակցելու հարց է՝ դու կարողանո՞ւմ ես հասնել այդ փաթեթի լիարժեքության, թե՞ ոչ։ Եվ այդ փաթեթից է կախված լինելու՝ ղարաբաղցիների քանի տոկոսն է վերադառնալու»։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
