«Հանուն Հանրապետության» կուսակցության նախագահ Արման Բաբաջանյանը ֆեսյբուքյան իր էջում գրում է.
«Մյունխենի անվտանգության համաժողովում քիչ առաջ մասնակցեցի զգայուն, բայց չափազանց կարևոր քննարկման Ռուսաստանի, Բելառուսի, Ուկրաինայի, հետխորհրդային ողջ տարածքի ապագայի և Պուտինի ուժեղ ու թույլ կողմերի մասին։ Գլխավոր բանախոսներից էր Յուլյա Նավալնայան, որի ամուսինը՝ Ալեքսեյ Նավալնին, ուղիղ մեկ տարի առաջ այս նույն գագաթնաժողովի բացման օրը սպանվեց ռուսական բանտում։
Յուլյան այժմ զբաղվում է քաղաքականությամբ և փորձում է լրացնել իր ամուսնու բացը՝ շարունակելով պայքարը նրա գաղափարների համար։ Անկախ նրանից, թե ինչ տեսակետ ունենք վաղամեռիկ Ալեքսեյ Նավալնու քաղաքական դիրքորոշումների, հայացքների վերաբերյալ, Յուլյա Նավալնայայի խիզախությունը, վճռականությունն ու սկզբունքայնությունը անառարկելի են։ Նա իր մեջ համախմբում է դիմադրության և ուժի օրինակ՝ մի կնոջ, որը չի հանձնվում, չի լռում և շարունակում է պայքարել։
Հասցրինք խոսել նաև Հայաստանի և մեր հավաքական անելիքների մասին։ Յուլյան զարմանալիորեն չափազանց տեղեկացված է Հայաստանից և հայերից, լավ է պատկերացնում մեր տարածաշրջանի խնդիրները և հասկանում է, թե ինչ մարտահրավերների առաջ ենք կանգնած»։
Կարդացեք նաև
