Բելառուսում Ադրբեջանի պահանջով ձերբակալվել է հայ բլոգեր՝ հայտնել է Ալեքսանդր Լապշինը, եթե հաստատվի այս փաստը, ապա ՀՀ ԱԳՆ-ն, իրավապաշտպան բոլոր կազմակերպությունները, ՄԻՊ-ը պետք է կանխեն այս աղջկա հանձնումը Ադրբեջանին։
Վերջինիս Բելառուսում ազատությունից զրկել են 15 օրով՝ դա սովորաբար ժամանակահատված է, որով կալանավորում են անձանց հանձնման նպատակով։
«Նա հայտնի բլոգեր ունի TikTok-ում, YouTube-ում և Instagram-ում:
Հայուհի բլոգերը հայտնի է «Բելլայի մոտ» մականունով։ Անկեղծ ասած, ես չեմ ճանաչում այդ աղջկան և մինչև այն պահը, երբ ինձ ասացին, որ նա ձերբակալված է, նույնիսկ չէի լսել նրա մասին։
Կարդացեք նաև
Չորս օր առաջ նա իր վերջին հաղորդումներից մեկում հայտնել է, որ ադրբեջանցիներն իրեն սպառնացել են՝ ասելով, որ Բելառուսում ամեն ինչ «գնել են», և շուտով իրեն կձերբակալեն ու կարտահանձնեն Ադրբեջան։ Աղջիկը դրան ի պատասխան ասել է, որ լուրջ չի վերաբերվում այդ սպառնալիքներին։
Իրավիճակը բարդանում է նրանով, որ առաջին հերթին Լուկաշենկոյի Բելառուսը ահաբեկչական պետություն է՝ դաշնակից Ադրբեջանի հետ, որտեղ չկա օրենք, չկա արդարադատություն, չկա կարգուկանոն։ Երկրորդ՝ Մինսկում Հայաստանի դեսպան չկա: Վերջինս՝ ի նշան Լուկաշենկոյի հակահայկական հայտարարությունների դեմ բողոքի, վեց ամիս առաջ հետ է կանչվել Հայաստան։
Ինչպես հիշում եք, ես ինքս Բելառուսում հետախուզման մեջ եմ՝ Լուկաշենկոյին «բռնապետ» անվանելու համար և 2024 թվականի սեպտեմբերի 21-ին բելառուսական կողմի պահանջով ձերբակալվել եմ Երևանի օդանավակայանում։ Մի քանի ժամ անց ինձ ազատ արձակեցին՝ բելառուսական խուզարկությունն անօրինական ճանաչելով»,- գրել է Լապշինը։
Ըստ Լապշինի՝ հայուհին այժմ բանտում է։ Նա ունի երկու քաղաքացիություն՝ Հայաստանի և Բելառուսի։ Հայ բլոգերը մեղադրվում է Բելառուսի Հանրապետության քրեական օրենսգրքի հետևյալ հոդվածներով.
– Հոդված 130. Ռասայական, ազգային, կրոնական կամ այլ սոցիալական ատելության կամ տարաձայնության հրահրում:
– Հոդված 123. Պատերազմի քարոզչություն
– Հոդված 188. Զրպարտություն
– Հոդված 369. Իշխանության ներկայացուցչին վիրավորելը
– Հոդված 186. Սպանության սպառնալիքը՝ առողջությանը ծանր վնաս պատճառելը
«Որքան ես հասկացա, նրան արդեն մեղադրանք է առաջադրվել, բայց ո՛չ Բելառուսի ՆԳՆ-ն, ո՛չ էլ Բելառուսի արտաքին գործերի նախարարությունը դեռ պաշտոնական հայտարարություն չեն արել»,- ասել է Լապշինը։
