Լրահոս
Օրվա լրահոսը

«Մեր կողմից տրամադրվող սերտիֆիկատը չպետք է դրվի կասկածի տակ». ՍԱՏՄ ղեկավարը հանդիպել է ձկնամթերք արտահանող ընկերությունների ներկայացուցիչների հետ

Փետրվար 14,2025 17:19

ՀՀ սննդամթերքի անվտանգության տեսչական մարմնի ղեկավար Արմեն Դանիելյանը հանդիպել է ձկնամթերք արտահանող ընկերությունների ներկայացուցիչների հետ:

Քննարկվել է ինչպես Ռուսաստանի Դաշնություն ձկնամթերքի արտահանման կայուն աճի դինամիկան պահպանելու կարևորությունը, այնպես էլ՝ դեպի ԵՄ երկրներ հայկական ձկան արտահանման հնարավորության հարցը:
Կողմերն անդրադարձել են ձկնաբուծական ֆերմաների սանիտարահիգիենիկ պայմանների, կենդանիների առողջության, բուժման համար օգտագործվող դեղամիջոցների ու դրանց մնացորդային քանակների, կերի որակի խնդիրներին ու այդ գործընթացների նկատմամբ վերահսկողությանը:

Արմեն Դանիելյանը նշել է, որ Տեսչական մարմնի կողմից արտահանման վարչարարության ժամանակը կհասցվի նվազագույնի՝ չթուլացնելով, սակայն, սահմանային վերահսկողության գործընթացները, իսկ ձկնաբույծների գործունեությունը պետք է լինի թափանցիկ, արտադրանքի կանխատեսելի որակը՝ երաշխավորված, ռիսկերը՝ կառավարելի: «Դուք պետք է գործեք խիստ փոխկապակցված: Ցանկացած արտադրողի թերացումը բացասական է ազդեցություն է ունենալու մյուս բոլոր արտադրողների համար: Մեր կողմից տրամադրվող սերտիֆիկատը չպետք է դրվի կասկածի տակ»,- զգուշացրել է ՍԱՏՄ ղեկավարը:

Արտահանող ձկնաբույծները նշել են, որ իրենք խիստ շահագրգռված են պահպանել Ռուսաստանի Դաշնության կողմից ներկայացվող պահանջներն ու ավելացնել արտահանումների քանակը, ինչպես նաև՝ իրենց գործունեությունը համապատասխանեցնել ԵՄ հստակեցված պահանջներին՝ նկատի ունենալով այդ ուղղությամբ արտահանման հնարավոր հեռանկարը:

ՀՀ սննդամթերքի անվտանգության տեսչական մարմին

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2025
Երկ Երե Չոր Հնգ Ուրբ Շաբ Կիր
« Հուն   Մար »
 12
3456789
10111213141516
17181920212223
2425262728