2020 թվականի արցախյան պատերազմից անցել է շուրջ 5 տարի, սակայն դեռ կան հանգամանքներ, որոնց մասին չի խոսվել և դրանք մնացել են ստվերում։
Երեկ՝ փետրվարի 13-ին տեղի ունեցավ «44. պարտություն» գրքի շնորհանդեսը, որը նվիրված է արցախյան պատերազմին։
Գրքում զետեղված են ժամանակագրական տվյալներ, քարտեզներ, հետազոտություններ։
Կարդացեք նաև
Գրքի հեղինակներ Վիգէն Չըթըրեանը, Կարեն Հարությունյանը և Աշոտ Ոսկանյանը նպատակ ունեն հանրային ուշադրությունը կենտրոնացնել պատերազմի փաստական հանգամանքների վրա՝ սկսած ռազմական գործողություններից մինչև քաղաքական որոշումների ընդունման գործընթացներ։
Գիրքը ներառում է 44-օրյա պատերազմի մանրամասն ժամանակագրություն, ռազմական գործողությունների քարտեզներ և վերլուծություններ։
Շնորհանդեսի մեկնարկը դրվեց Գալուստ Կիւլպէնկեան Հիմնարկության Հայկական համայնքների բաժանմունքի տնօրեն Ռազմիկ Փանոսյանի խոսքով, որը նշեց, թե գիրքը փորձում է պատասխանել հարցին՝ «Ինչո՞ւ եղավ 44-օրյա պատերազմը»։
Գրքի համահեղինակ Վիգէն Չըթըրեանը նշեց. «Սա կարևոր քայլ էր, որ կառուցեն փաստերի վրա հիմնված վերլուծություն և այդ վերլուծության շուրջ նոր ուսումնասիրություններ կատարեն»։
Միաժամանակ, Կարեն Հարությունյանը շեշտեց, որ 44-օրյա պատերազմը, առաջին հերթին, քաղաքական պարտություն էր, և միայն դրան հաջորդեց ռազմական պարտությունը։
Էմմա ՄԱՐՏԻՐՈՍՅԱՆ
