Մետրո Երիտասարդականի հարեւանությամբ շարունակվում է Երեւանի քաղաքապետ Տիգրան Ավինյանի համար 50 դրամանոց կոպեկներով դրամահավաքը:
Քաղաքացիները 20 դրամանոց կոպեկներ էլ են նվիրաբերում՝ կատակելով, որ մանրն էլ նրան պետք կգա:
Aravot.am-ը «Չենք վճարելու» նախաձեռնության անդամներից հետաքրքրվեց՝ ինչպես է դրամահավաքն ընթանում:
Կարդացեք նաև
Ի պատասխան՝ նախաձեռնության անդամներից մեկը ասաց. «Կարծում եմ արդեն իսկ լավ է, չէինք հավատում, որ կլինեն մարդիկ, որ նույնիսկ 50 դրամանոց կնվիրաբերեն, բայց տարբեր սոցիալական շերտերի մարդիկ աջակցում են Ավինյանին: Հաշվի առնելով նրա թանկ լինելը՝ կարելի է ասել, որ մի օրվա լանչի փողը հավաքել ենք Տիգրան Ավինյանի համար: Մենք կփորձենք այս բանկան հնարավորինս ամբողջովին լցնել, այնպես անել, որ սա հասնի Ավինյանին: Որ նա իր թիկունքում զգա մեր աջակցությունը, շարունակի այս բարեփոխումները ու դրա վերջնական նպատակը լինի սակագների փոփոխությունը»:
Արփինե ՍԻՄՈՆՅԱՆ
