Քանի որ քաղաքային իշխանությունները՝ ի դեմս Տիգրան Ավինյանի, պնդում են, որ ունեն մեր հիսուն դրամների անհրաժեշտությունը տրանսպորտային բարեփոխումների համար, մենք այս դրամահավաքն ենք կազմակերպել.» «Չենք վճարելու» նախաձեռնության անդամ
Այսօրվանից «Չենք վճարելու» նախաձեռնության անդամները մետրո Երիտասարդականի հարեւանությամբ սկսել են քաղաքացիներից 50 դրամանոց կոպեկների դրամահավաք: Այն արվում է քաղաքապետ Տիգրան Ավինյանի համար:
«Քանի որ քաղաքային իշխանությունները՝ ի դեմս Տիգրան Ավինյանի, պնդում են, որ ունեն մեր հիսուն դրամների անհրաժեշտությունը տրանսպորտային բարեփոխումների համար, մենք այս դրամահավաքն ենք կազմակերպել: Չնայած թանկացումներին՝ Երեւանի բնակիչները կարեկցում են Տիգրան Ավինյանին»,- լրագրողներին ասաց նախաձեռնության անդամներից մեկը:
Կարդացեք նաև
Նրա խոսքով՝ իրենք այսպիսի ակցիաներով փորձում են ե՛ւ շփվել քաղաքացիների հետ ե՛ւ քաղաքացիներին կրեատիվ ձեւով իրազեկել տրանսպորտի նոր սակագների բոյկոտի մասին:
«Չենք վճարելու» նախաձեռնության անդամները նաեւ քաղաքացիներին իրազեկում են, որ քաղաքապետ Ավինյանն ունի բոլորիս աջակցության կարիքը. «Մենք 50 դրամանոցներով դրամահավաք ենք իրականացնում եւ խնդրում միանալ այս ակցիային: Սրանով ցույց ենք տալիս, որ մեր համաքաղաքացիները ոչ միայն դեմ են այս սակագներին, այլեւ բարեգութ են գտնվել քաղաքային իշխանությունների նկատմամբ: Ու հիսուն դրամանոցներ են նվիրաբերում: Ամեն ինչ անելու ենք, որ ամբողջ հասույթն ուղղվի Տիգրան Ավինյանին, որ կարողանա գոյատեւել ու հետագայում տրասնպորտային սակագները փոփոխվեն: Եվ որ նա կախված չլինի քաղաքացիների գրպանից»:
Արփինե ՍԻՄՈՆՅԱՆ
