«44-օրյա պատերազմից հետո փոքրաթիվ, բայց նման դեպքեր ունենք, որ չհուղարկավորված աճյուններից վերջին շրջանում իրականացվել է հուղարկավորություն»,- այս մասին կառավարության նիստից հետո լրագրողների հետ ճեպազրույցում ասաց առողջապահության նախարար Անահիտ Ավանեսյանը։
44-օրյա պատերազմից հետո կան աճյուններ, որոնք դեռ հուղարկավորված չեն։ Անահիտ Ավանեսյանն ասաց, որ աշխատանք է տարվում, որպեսզի բոլոր աճյունները հուղարկավորվեն։ Չհուղարկավորված են այն աճյունները, որոնց նույնականացման արդյունքները հարազատները չեն ընդունում։
«Այն դեպքերը, երբ նույնականացումն իրականացվել է, բայց ծնողները կամ հարազատները չեն ընդունում, այդ մասով դեռ աշխատանքները շարունակվում են։ Այստեղ արված բոլոր ներպետական փորձաքննությունների արդյունքները եւ արտերկրում իրականացված փորձաքննությունների արդյունքները համընկնում են իրար հետ։ Բայց, ինչպես ասացի, աշխատանքները հարազատների հետ դեռ շարունակվում են»,- նշեց Ավանեսյանը։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
