«Տարբերությունը նախագահ և վարչապետ բառերի միջև այն է, որ դա ցույց է տալիս, թե երբ է փաստաթուղթը կազմվել։ Թե չէ պետության վերաբերմունքի տեսակետից՝ տարբերությունը մեծ չէ, բայց ժամանակագրության առումով մեծ է։ Եթե փաստաթղթի վրա գրված է նախագահների, ուրեմն եղել է նախագահների ստորագրման համար, կազմվել նախագահների իշխանության օրոք»,- լրագրողի փաստմանը՝ ՀՀ վարչապետ Նիկոլ Փաշինյանն ի պատասխան այն հորդորների, թե հրապարակեք փաստաթղթերը, պատասխանել էր, որ «2019-ին ինքը որեւէ մեկի հետ որեւէ բան բանակցած չի եղել։ Այն, ինչ դրված է եղել սեղանին, ինձնից առաջ տեղի ունեցած բանակցությունների արդյունքն է, ամփոփումն է: Հլը էդ թղթի վերևում էլ գրված է՝ Հայաստանի ու Ադրբեջանի նախագահները», և հարցին՝ ի՞նչ տարբերություն, թե վրան ինչ է գրված եղել, եթե փաստաթուղթը վերաբերում է մեր երկրին, այսպես պատասխանեց ՀՀ ԱԺ ՔՊ խմբակցության պատգամավոր Արման Եղոյանը։
Անդրադառնալով փաստաթղթի բովանդակությանը՝ Արման Եղոյանն ասաց․ «Դա նույն մեզ հայտնի Լավրովի պլանն է։ Ինչո՞ւ եք մութ սենյակում սև կատու փնտրում։ Լավրովի պլանի մեջ կարող է մի դետալ ավելանալ, դուրս գալ, բայց հետևյալն է էությունը․ հարցն ունենում է փուլային լուծում․ առաջին փուլում զիջվում են հինգ շրջանները, մյուս հարցերի վերաբերյալ կարգավորումները՝ ներառյալ կարգավիճակի հարցը, թողնվում է անորոշ ապագային։ Մնացածն արդեն դետալ է։ Սա հանրահայտ փաստ է»։
Տաթև ՀԱՐՈՒԹՅՈՒՆՅԱՆ
