Այսօր հանրային տրանսպորտում, երբ ավագանու «Մայր Հայաստան» խմբակցության անդամները հորդորում էին քաղաքացիներին չվճարել, բոյկոտել, մի ուղեւոր հետաքրքրվեց՝ ինչի՞ համար բոյկոտենք:
-Դուք վճարեք, 300 դրամ վճարեք,- արձագանքեցին ավագանու անդամները:
-Մտնում եք, ժողովրդի ուղեղը խանգարում եք, ի՞նչ օգուտ եք տալու ժողովրդին,- շարունակեց դժգոհ կինը:
Միջամտեցին այլ ուղեւորներ՝ նրան ամոթանք տալով. «Ամոթ է, վճարում ես՝ վճարի, ավել-պակաս մի խոսիր»:
Կարդացեք նաև
-Ես ի վիճակի չեմ այդքան վճարել, իմ փոխարեն էլ կվճարե՞ք,- արձագանքեց մեկ այլ քաղաքացի:
Հետո բոլոր ուղեւորները վրա տվեցին կռիվ գցած քաղաքացուն, հորդորեցին իր անունից խոսել: Երբ կնոջից հետաքրքրվեցին՝ որտե՞ղ է աշխատում, ասաց՝ պետական համակարգում է աշխատում:
-Իսկական թալանչի են,- քթի տակ իրեն-իրեն խոսում էր մի ուղեւոր:
Տրանսպորտում կռիվ գցած կինն անցավ անձնական դաշտի վիրավորանքների՝ մի կնոջ ասելով, ձեր քսվածին նայենք, ձեր տարիքին: Հետո հարձակվեց ավագանու անդամ Մանուկ Սուքիասյանի վրա, որ չնկարեն իրեն:
-Լեզուդ հլը, չի երեւում, որ չափը գիտեք, տղամարդ էլ եք ուզում ծեծեք այստեղ,- արձագանքեց մի տարեց կին:
-Ձեզ էլ կծեծեմ, նրանց էլ կծեծեմ,- արձագանքեց կռիվ գցած կինը:
Արփինե ՍԻՄՈՆՅԱՆ
