Փետրվարի 7-ին, ժամը 23․15-ի սահմաններում Շիրակի մարզի Քեթի համայնքի բնակիչներից մեկը զանգահարել է «911» ծառայություն՝ տեղեկացնելով, որ անասնակեր ու ավտոմեքենա է այրվում։
Փրկարարական ծառայության Գյումրի 2 ՀՓՋ խմբից բացի խմբից բացի դեպքի վայր է մեկնել նաև ոստիկանության օպերատիվ խումբը, որին բնակիչ Ա․ Մ․-ն տեղեկացրել է, որ անհայտ անձը կտրող-ծակող գործիքով վնասել է իրեն պատկանող «Զիլ» մակնիշի մեքենայի առջևի երկու անվադողերը, այնուհետ հրկիզել է մեքենայի բենզատարը, ինչպես նաև իրեն պատկանող մոտ 10 հատ խոտի հակերներ։ Քաղաքացու հաշվարկներով՝ իրեն պատճառվել է շուրջ 800․000 դրամի վնաս։
Նա հաղորդում է ներկայացրել ոստիկանություն՝ նշելով, որ տեղյակ չէ՝ ով է իրեն վնաս հասցնողը, նկատենք, որ հանցագործությունը կատարվել է ժամը 22․40-ի սահմաններում։
Գործը Շիրակի մարզի քննչական վարչությունում է։
Կարդացեք նաև
Լուսանկարը՝ www.azatutyun.am-ի
