-Ե՞րբ եք պատրաստվում ԱԳ նախարար Արարատ Միրզոյանի կամ անունը փոխել կամ Արարատ Միրզոյանին:
Սա անձնական վիրավորանք չէ,Արարատ Միրզոյանը կների,- այսօր ԱԺ –ում կառավարության հետ հարցուպատասխանի ժամանակ այս հարցն ուղղեց Նիկոլ Փաշինյանին «Հայաստան» խմբակցության պատգամավոր Գեղամ Մանուկյանը:
«Շատ-շատ էժան եք»,- արձագանքեց Միրզոյանը: Նիստը վարող ԱԺ նախագահ Ալեն Սիմոնյանն էլ անջատել տվեց ընդդիմադիր պատգամավորի միկրոֆոնը՝ ասելով. «Ես ձեզ առաջարկում եմ՝ չափի մեջ մնալ, որովհետև կսկսեմ նմանատիպ օրինակներ բերել»:
«Պարոն Մանուկյան, եթե ինձ տրված լիներ լիազորություն անուններ փոխելու, ես նախ կսկսեի ձեզնից և ձեր քաղաքական առաջնորդներից և վստահ եմ՝ այդ լիազորությունը այլ մարդկանց նկատմամբ օգտագործելու որևէ առիթ չէի ունենա, որովհետև նման առիթ գոյություն չէր ունենա: Իսկ ձեր դեպքում ինչու եմ ասում, որովհետև դուք եք այդ առիթը ստեղծում, և այդ առիթը ստեղծեցիք հենց հիմա»,- պատասխանեց Նիկոլ Փաշինյանը:
Կարդացեք նաև
Արփինե ՍԻՄՈՆՅԱՆ
