«Բացարձակապես հավակնություն չունեմ մեկնաբանել մի անձի, որը չի տիրապետում հայերեն լեզվին եւ տառապում է անթքապահությամբ, թուքը չի կարողանում բերանում պահել: Դա պատահական չէ, բոլորն են տեսել, որ նույն այդ ցավով տառապում է նաեւ նրա մայրը: Մոռանալով հայոց լեզվի ճոխ բառապաշարը՝ նա ցանկասեր երիտասարդներին ներհատուկ ժեստ է ցույց տալիս խուլիգանական, որը սեռական հայհոյանք է նշանակում: Ես միշտ ասում եմ, որ չեմ կարող մեկնաբանել այն անձանց, որոնք ընդհանրապես հեռու են այն ամենից, ինչը բնութագրում է նորմալ մարդուն»,- «Հայելի» ակումբում ասաց ՀՀ մարդուն իրավունքների առաջին պաշտպան Լարիսա Ալավերդյանը՝ անդրադառնալով ԱԺ նախագահ Ալեն Սիմոնյանի պահվածքին:
«Այն ամենը, ինչ տեղի է ունենում, ինչ հայտարարվում է, այդ բոլոր գործողությունները ներհատուկ են ազգի տականքներին: Կարծում եմ՝ վաղուց ամեն ինչ պարզ է առնվազն գրագետ ժողովրդի համար: Սկզբից ազգին դարձնում են ցեղ, շողոքորթում, ժողովրդին դարձնում են ամբոխ եւ անում իրենց ուզածը…Կա ազգի տականքի բավականին տարածված բնորոշումը, Նժդեհն ասում էր՝ տականքը ազգի ազգուրաց տարրն է, անդիմագիծ է որպես հայ, զզվելի՝ որպես մարդ…»,-հավելեց Լարիսա Ալավերդյանը՝ մեջբերելով Նժդեհին:
«Ես 2018-ից ասում եմ, որ մենք զավթված ենք ներսից, Ադրբեջանը որեւէ հաղթանակ չի տարել…Այս իշխանությունը եկել է պատրաստի ծրագրով՝ Արցախը բռնակցել Ադրբեջանին, Հայաստանը դարձնել Թուրքիայի ուղղակի կցորդ Ադրբեջանի կցորդը: Այս հայատյաց թիմի, խավի առաջնորդը խոստովանել է, որ կարող էր հողերը հանձնել առանց զոհերի, բայց զոհաբերությունն էլ է մտնում սրանց»,- ընդգծեց Լարիսա Ալավերդյանը:
Գոհար ՀԱԿՈԲՅԱՆ
