Երեւանի ընդհանուր իրավասության քրեական դատարանում՝ դատավոր Ժորա Չիչոյանի նախագահությամբ, փետրվարի 12-ին շարունակվեց Գառնիկ Իսագուլյանի գործով դատական նիստը։ Դատարանն հետազոտեց Գառնիկ Իսագուլյանի ասուլիսի ձայնագրությունը։
Հիշեցնենք, որ քրեական գործը վերաբերում է վարչապետ Նիկոլ Փաշինյանի նախկին մամուլի խոսնակ Վլադիմիր Կարապետյանի թուրքական հատուկ ծառայությունների կողմից հավաքագրված լինելու մասին արված հայտարարություններին, 44-օրյա պատերազմի նախորդող ժամանակաշրջանում Արգիշտի Քյարամյանի՝ դեռեւս ԱԱԾ տնօրեն եղած ժամանակ նրա կողմից իբրեւ ադրբեջանցիներին հայկական անձնագրեր տրամադրելուն։ Մեկ այլ դրվագով էլ Իսագուլյանը մեղադրվում է բռնության կոչեր հնչեցնելու մեջ։
Մեղադրանքը առաջադրվել է նախկին է «ՀՀ քրեական օրենսգրքի» 333-րդ հոդվածի 2-րդ մասի 1-ին կետով՝ սուտ մատնություն կատարելու հատկանիշներով, որը զուգորդվել է ծանր կամ առանձնապես ծանր հանցագործության մեջ մեղադրելով։
Պաշտպան Աննա Ծառուկյանը միջնորդել էր հետազոտել ասուլիսի ողջ տեսագրությունը, քանի որ մեղադրանքում Իսագուլյանի հայտարարությունները խեղաթյուրված են եղել։
Կարդացեք նաև
Տեսանյութը հրապարակելուց հետո փաստաբանը հայտարարեց, որ հանցակազմի համար պարտադիր տարր է հանդիսանում հաղորդում տալը, մինչդեռ Իսագուլյանն իր խոսույթում ոչ միայն որեւէ մեկին չի դիմում, այլ քաղաքական ելույթ է՝ կանխատեսումներով, որն այլեւս իրողություն է, ինչպես նաեւ՝ անվստահություն է հայտնում։
Իսագուլյանի պաշտպանական կողմը պնդում է՝ սա քաղաքական հետապնդում է։
Մանրամասները տեսանյութում։
Հաջորդ նիստում, դատարանը https://www.aravot.am/2024/07/17/1433176/ հարցաքննելու է վկաներին։
Արմեն ԴԱՎԹՅԱՆ
