«Որոշում ունեմ․ մասնակցելու եմ Գյումրու քաղաքապետի ընտրություններին։ Կոնկրետ ձևաչափի հետ կապված մոտ օրերս հստակ հայտարարություն կանեմ»,-լրագրողների հետ ճեպազրույցում այսօր հայտարարեց ՀՀ ԱԺ «Պատիվ ունեմ» խմբակցության պատգամավոր Մարտուն Գրիգորյանը։
Նա վստահեցրեց՝ նորմալ ընտրություններ են լինելու․ «Գյումրեցիներն ընտրելու են իրենց քաղաքապետին։ Ես առաջադրելու եմ իմ թեկնածությունը, մի քանի օրից հստակ կասեմ մասնակցության ձևաչափը։ Բոլորի հետ էլ բանակցություն կա»։
Հարցին՝ իշխանության հե՞տ էլ, նա այսպես պատասխանեց․ «Իշխանության հետ ոչ մի բանակցություն, համագործակցություն չկա։ Այդ փաստն արդեն երևի վեց տարի է նաև խորհրդարանում իմ աշխատանքով եմ ապացուցել, որ բացառվում է իշխանության հետ համագործակցությունը»։
Մարտուն Գրիգորյանը հայտարարեց՝ իրեն ոչ մի քաղաքական ուժ չի պարտադրել․ առաջադրվելու որոշումն իրենն է։
Կարդացեք նաև
Տաթև ՀԱՐՈՒԹՅՈՒՆՅԱՆ
