Yerkir.am-ը գրել էր, որ Հայաստանի ազգային ագրարային համալսարանի նախկին ռեկտոր Վարդան Ուռուտյանը ռեկտոր եղած ժամանակ 2022թ,ապրիլի 28-ին դարձել է ԱԿԲԱ բանկի խորհրդի անդամ, մինչդեռ «Կրթության մասին» ՀՀ օրենքի 40-րդ հոդվածը սահմանում է, որ ռեկտորը չի կարող միաժամանակ կատարել վճարովի այլ աշխատանք, բացի գիտամանկավարժական եւ ստեղծագործական աշխատանքից, իսկ «Բանկերի և բանկային գործունեության մասին» ՀՀ օրենքի 24-րդ հոդվածում ասվում է, որ բանկի խորհրդի անդամները վարձատրվում են:
Aravot.am-թեմայի վերաբերյալ մեկնաբանություն ստանալու համար կապվեց Վարդան Ուռուտյանի հետ: «Այդ աշխատանքը վճարովի հիմունքներով չի եղել, այլ մեկնաբանություն չունեմ, եւ հետո ես արդեն մեկ տարի է ռեկտոր չեմ »,- հեռախոսով փոխանցեց Վարդան Ուռուտյանը:
Գոհար ՀԱԿՈԲՅԱՆ
