«Ամեն ինչից խոսեցինք, ասացինք, ամեն մեկն իր ֆանտազիաները ներկայացրեց, ինձ թվում է՝ ամենաիրատեսականն իմ ֆանտազիան է»,- խորհրդարանում հայտարարեց ՀՀ ԱԺ «Հայաստան» խմբակցության պատգամավոր Գառնիկ Դանիելյանը՝ անդրադառնալով ԵՄ-ին ՀՀ-ի անդամակցելու գործընթացի մեկնարկի մասին oրենսդրական նախաձեռնության առիթով քննարկումներին։
Ըստ պատգամավորի՝ ցանկություն հայտնելու պակաս մենք չենք ունեցել․ «Ինձ թվում է՝ մենք ցանկությունները պարզ հայտնել ենք, էլ ո՞նց հայտնենք։ Մանավանդ ձեր իշխանությունը լիուլի հայտնել է ցանկություն։ Օրինակ՝ պարտադի՞ր է, որ այսքան մարդ բանուգործը թողնի, գա այստեղ ցանկություն հայտնի։ Ձեզնից առաջ էլ են հայտնել այդ ցանկությունները։ Դրա պակասը չկա, էլի։ Եթե կոնկրետ ԵՄ գործընկերներն ուզենան մեզ հետ ավելի հեռուն գնալ, մեր գործընկերներն ասացին, որ դրա համար կա CEPA»։
Գառնիկ Դանիելյանը հորդորեց ավելի խորաթափանց լինել ու մտածել մեր ազգային ու պետական շահերի մասին․ «Գետնի վրա իրողությունների հետ պետք է հաշվի նստենք»։
Կարդացեք նաև
Տաթև ՀԱՐՈՒԹՅՈՒՆՅԱՆ
