«Հայաստանի Հանրապետությունը 29.743 քառ․ կմ-ով պետություն է, դա Հայաստանի միջազգայնորեն ճանաչված տարածքն է, որն ունի մեկ խնդիր ու մեկ նպատակ ապահովել սեփական քաղաքացիների անվտանգությունը, բարեկցությունը, երջանկությունը»,-Ֆրանսիայում՝ հայ համայնքի հետ հանդիպմանն ասաց վարչապետ Նիկոլ Փաշինյանը բացատրելով «Հայաստանի գաղափարախոսության տրանսֆորմացիան»։
Փաշինյանի խոսքով՝ իրական Հայաստանի գաղափարը կառավարող ուժի գաղափարախոսությունն է, որը պետք է այնպես անել, որ դառնա համայն հայության գաղափարախոսության տրանսֆորմացիան։
« Եթե համարձակություն չունենանք մտածել այդ մասին, ապա գոնե սփյուռքում այդ գաղափարախոսությունը սփյուռքում ստանա որոշակի աջակցություն»,-նշեց վարչապետը։
Հայաստանի 3-րդ Հանրապետության հիմնադրման օրվանից, Փաշինյանի դիտարկմամբ՝ չենք նկատել, որ Հայաստանում կա մի կուսակցություն՝ Հայ Հեղափոխական դաշնակցությունը, չնայած ֆորմալ շատ կուսակցություններ կան։
Կարդացեք նաև
«Հայաստանում, ըստ էության, գործող բոլոր կուսակցությունները գործել են ՀՅԴ-ի գաղափարախոսության ներքո։ Այստեղ մեկ հարց՝ ինչո՞ւ բոլորս չենք անդամակցել Դաշնակցությանը, որովհետեւ ՀՀՇ-ին թվացել է, թե իրենք ավելի լավ դաշնակցական են, քան իսկական դաշնակցականները, ՔՊ-ականներին թվացել է՝ թե մենք ավելի լավ դաշնակ ենք, քան իրական դաշնակցականները»,-նշել է Նիկոլ Փաշինյանը։
Աղետների միջով անցնելուց հետո, վերջինիս համոզմամբ՝ պետք է ընդունենք, որ ՀՀ-ն ազգային բարձր նպատակ է, Հայաստանից ավելի բարձր նպատակ չկա։
«ՀՀ-ն հենման կետ չի ավելի մեծ ու լավ հայրենիք ունենալու համար, այլ ՀՀ-ն այն հայրենիքն է, որ մենք ունենք ու չպետք է այն օգտագործենք այլ հայրենիք ունենալու համար»,-հայտարարեց Փաշինյանը նշելով, որ պետք է պատմությունից դասեր քաղել ու գաղափարապես դաշնակցական չլինել։
«Հայաստանի բարձրագույն կարգավիճակն եմ զբաղեցնում, բայց չեմ հավակնում լինել ճշմարտության բարձրագույն կրողի դերում, բայց մյուս կողմից, պարտավոր եմ համարում, այս կարծիքները քննարկման»,-նշեց Փաշինյանը։
Մանրամասները տեսանյութում։
Արմեն ԴԱՎԹՅԱՆ
