«Ի՞նչ է նշանակում, բարի ցանկությունների ժողովածու։ ՀՀ օրենքի նախագիծ եք ներկայացնում, բարի ցանկությունները Վալենտինին իրար գրեք կամ Նոր տարվան Ձմեռ պապիկին նամակ գրեք։ Պարտադիր է, որ ձեր բարի ցանկությունների համար Հայաստանն աշխարհաքաղաքական փակուղու մեջ հայտնվի՞»,- ԱԺ հայտարարությունների ժամին ասաց «Պատիվ ունեմ» խմբակցության ղեկավար Հայկ Մամիջանյանը՝ անդրադառնալով ԵՄ-ին ՀՀ-ի անդամակցելու գործընթացի մեկնարկի մասին oրենսդրական նախաձեռնությանը։
Նա նշեց, որ օրերս Եվրոպական խորհրդարանում արտաքին հարաբերությունների հանձնաժողովի զեկույցն է հրապարակվել, այնտեղ ակնարկ էլ չկա, որ Հայաստանին սպասում են։ «ԵՄ մտնող եք, CEPA-ն (Հայաստան-ԵՄ համապարփակ և ընդլայնված գործընկերության համաձայնագիր.-խմբ.), իմպլեմենտացրեք, որ փաստաթուղթը բացում ենք՝ խայտառակ իրավիճակ է։ Անդադար խոսվում է, որ Մինսկի խումբը պետք է լուծարել, բայց վերջերս ՌԴ նախագահի խոսնակը հայտարարեց, որ առանձին գերատեսչությունների մակարդակով կան շփումներ ԱՄՆ եւ Ռուսաստանի միջեւ։ Իսկ ինչո՞ւ Մինսկի խումբը նույն ճակատագրին չի արժանանում, շատ պարզ պատճառով, որովհետեւ Հայաստանը ներկայացնողները հայամետ չեն»,- ասաց նա։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
