«Այս օրինագծի ընդունումը չի հանդիսանում Եվրոպական միությանը ՀՀ անդամակցության հայտ, այն ամրագրում է ԵՄ հետ հարաբերությունների խորացումը։ Այս օրինագիծը նաեւ համահունչ է ՀՀ կառավարության որդեգրած բալանսավորման եւ բալանսավորված արտաքին քաղաքականությանը, որն ուղղված է տնտեսական եւ անվտանգային համագործակցության դիվերսիֆիկացմանը»,- ԱԺ նիստում ԵՄ-ին ՀՀ-ի անդամակցելու գործընթացի մեկնարկի մասին oրենսդրական նախաձեռնության քննարկման ժամանակ ասաց ԱԳ փոխնախարար Պարույր Հովհաննիսյանը։
Նա ասաց, որ Հայաստանը ներառվել է Եվրոպական խաղաղության գործիքի շրջանակներում, ինչը ԵՄ կողմից կայացված կարեւոր քաղաքական որոշում էր։
«2022 թվականից Հայաստանում տեղակայված է ԵՄ քաղաքացիական դիտորդական առաքելությունը, որը բազմիցս ապացուցել է, որ տարածաշրջանում խաղաղության հենասյուներից մեկն է։ Վերջերս կայացավ որոշում ԵՄ խորհրդի կողմից, եւ այդ առաքելության ժամկետը եւս երկու տարով երկարաձգվել է։ Եվրամիությունը շարունակում է հանդիսանալ Հայաստանում զարգացման համագործակցության խոշորագույն դոնորը, իրականացվող բարեփոխումների հիմնական աջակիցը։ Հաստատվել է Հայաստանին աջակցության տրամադրումն առաջիկա 4 տարիների համար։ Եվ Հայաստանը ԵՄ թեկնածու երկիր չհանդիսացող միակ երկիրն է, որն աջակցություն է ստանում այս ծրագրի շրջանակներում»,- ասաց նա։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
Լուսանկարը՝ ԵՄ քաղաքացիական դիտորդական առաքելության էջից
