Aravot.am-ի տեղեկություններով՝ ԿԳՄՍ նախարարության «Պատմամշակութային արգելոց-թանգարանների եւ պատմական միջավայրի պահպանության ծառայություն» ՊՈԱԿ-ից հունվարի 31-ին ստացվել է գրություն, որ Արագածոտնի մարզի պատմության եւ մշակույթի անշարժ հուշարձաններից Շամիրամ համայնքում հաշվառված, մ.թ.ա. 2-րդ-ից 1-ին հզ. թվագրվող Քաղաքատեղի Շամիրամ հուշարձանի ենթակայությամբ ներկայացված Դամբարանադաշտի տարածքում իրականացվել են հողաքանդման աշխատանքներ` տեխնիկայի օգտագործմամբ:
Ձեռնարկվում են միջոցառումներ հանցանք կատարած անձին կամ անձանց հայտնաբերելու ուղղությամբ: Կազմված փաստաթղթերն ուղարկվել են ՀՀ ՔԿ Արագածոտնի մարզային քննչական վարչություն:
Նշենք, որ այս հուշարձանը քանիցս ենթարկվել է ոտնձգության, նախորդ անգամ էլ գանձախուզության դեպք էր արձանագրվել, փորել էին դամբարանը, տեղաշարժել ծածկասայլերը:
