«Համաձայն այս փաթեթի՝ նախատեսվում է ներկայումս գործող աշխարհազորի համակարգը փոխարինել տեղական պաշտպանության ուժերով»,- ՀՀ ԱԺ-ում հայտարարեց ՀՀ ՊՆ փոխնախարար Արման Սարգսյանը։
Ներկայացնելով «Պաշտպանության մասին», «Տարածքային կառավարման մասին», «Երևան քաղաքում ՏԻՄ մասին», «Տեղական ինքնակառավարման մասին» ՀՀ օրենքներում փոփոխությունների նախագիծը՝ Արման Սարգսյանը նշեց՝ տեղական պաշտպանության ուժերի ընդհանուր ղեկավարումն իրականացնելու է բանակային կորպուսի հրամանատարության կողմից․ «Դրանք ներառվելու են զորամասերի ենթակայությամբ գործող զորամիավորումների կազմում՝ որպես աջակցող ստորաբաժանումներ։ Տեղական պաշտպանության ուժերի ստորաբաժանումները համալրվելու են համայնքում հաշվառված պատերազմական ժամանակի հաստիքների չկցագրված և պահեստազորի երկրորդ խմբում հաշվառված կամ զինվորական հաշվառումից հանված անձանցով՝ կամավորության սկզբունքով անձի հետ պայմանագիր կնքելու միջոցով, որը չի համարվելու զինվորական ծառայություն անցնելու պայմանագիր»։
Կարդացեք նաև
Տաթև ՀԱՐՈՒԹՅՈՒՆՅԱՆ
