«Օրենսդրական փոփոխությունը հիմնված է եղել շատ փաստարկների ու հիմնավորումների վրա, հետեւաբար, չի կարող առանց նոր՝ ավելի ուժեղ փաստարկների եւ վերլուծությունների որեւէ վերանայում կատարվել։ Մինչ այս պահը մենք չենք ստացել նման հիմնավոր վերլուծություններով առաջարկ»,- այսօր խորհրդարանում լրագրողների հետ զրույցում ասաց ՀՀ ֆինանսների փոխնախարար Արման Պողոսյանը՝ պատասխանելով շրջանառության հարկը բարձրացնելու մասով տնտեսվարողների դժգոհություններին։
Նա համաձայն չէ, որ այս փոփոխությամբ ՓՄՁ ոլորտի դիրքերն են թուլանում։ Պնդում է, որ օրենքի փոփոխությունն առհասարակ շրջանառության հարկի մասին չէ, թեեւ համամիտ է, որ այդ փոփոխությամբ շրջհարկի դրույքաչափը, որը կիրառվում է իրացված շրջանառության նկատմամբ, բարձրացել է։ Փոխնախարարը շատ ավելի կարեւոր դրվագ է համարում փոփոխության այն հատվածը, որը հնարավորություն է տալիս ձեռքբերումները փաստաթղթերով հիմնավորելու պարագայում նվազեցնել հաշվարկված հարկը։
Իր գնահատմամբ, օրենքի փոփոխությանը դեմ են այն տնտեսվարողները, որոնք գերադասում են աշխատել ստվերում։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
