ՀԱՊԿ-ին Երևանի մոտ կուտակված հարցերի շուրջ փոխզիջումային հանգուցալուծումներ կարելի է գտնել դաշնակիցների միջև բանակցությունների միջոցով, ինչպես հայտում է Ria-ն՝ RIA Novosti-ին տված հարցազրույցում ասել է ՀՀ-ում ՌԴ դեսպան Սերգեյ Կոպիրկինը՝ պատասխանելով հարցին, թե որքան է հավանականությունը, որ Երևանը վերջնականապես դուրս կգա ՀԱՊԿ-ից, և ի՞նչ հետևանքներ կարող է դա ունենալ:
«Մեր լիազորությունների մեջ է նստել ՀԱՊԿ մեր դաշնակիցների հետ բանակցային սեղանի շուրջ և միասին, գործընկերային ձևով, փոխզիջումային լուծումներ գտնել կուտակված բոլոր հարցերի համար:
Ի դեպ, այս հարցերում նույնպես ինքնիշխան ընտրությունը մեր հայ գործընկերներինն է»,- ասել է դեսպան Կոպրիկինը:
Կոպիրկինի խոսքով՝ տարածաշրջանում Հայաստանի անվտանգության ապահովման մեխանիզմ չկա, որն այլընտրանք է Հավաքական անվտանգության պայմանագրի կազմակերպությանը:
Կարդացեք նաև
«Դիվանագետի մասնագիտությունը սուրժի բաժակով գուշակություններ չի ենթադրում: Մեր կարծիքով, այս պահին տարածաշրջանում Հայաստանի անվտանգությունն ու պաշտպանունակությունն ապահովելու այլընտրանքային հուսալի մեխանիզմ չկա: Հուսով ենք, որ Երևանը դա լավ է հասկանում»,- ասել է Կոպիրկինը:
