«Այսօրվա իրավիճակը պետական հեղաշրջման արդյունք է, որը կազմակերպվել էր 2018թ Հայաստանում: Պետական հեղաշրջումն իրականացվել է գունավոր հեղափոխություն անվան ներքո»,- «Հայելի» ակումբում ռուսերենով հայտարարեց ԱԺ «Պատիվ ունեմ» խմբակցության պատգամավոր Աննա Մկրտչյանը:
«Այդ հեղափոխությունը պետք է խաբեր մեր ժողովրդին, թեկուզ մեր հանրության ակտիվ հատվածին, որպեսզի հանրությունը կորցներ իր ինքնապաշտպանական մեխանիզմների բոլոր հնարավորությունները, վերացվեր մեր ժողովրդի սոցիալ-հասարակական իմունիտետը: Եթե թվարկելու լինեմ բոլոր այն ամենը, որ իրականացվել է վերջին 7 տարիների ընթացքում, ապա պետք է փաստեմ բոլոր այն գործողությունները, որոնք իրականում եղել են ինքնիշխան պետությանը հակադիր գործողություններ »,-հավելեց պատգամավորը:
Նրա ձեւակերպմամբ, արտաքին ուժերը փորձում են հավատացնել, որ ի բարօրություն մեր ժողովրդի է արվում ամեն բան, ծախսում են ահռելի գումարներ, հիմնադրում են տարբեր ԶԼՄ-ներ ու ՀԿ-ներ՝ փաստորեն ստեղծելով ազդեցության ցանցեր, միավորումներ, որոնք գործում են նրանք ղեկավարության ներքո եւ կատարում նրանց բոլոր հանձնարարություններ:
«Ողբերգությունն այն է, որ մեր հասարակության առանձին անդամներ այդ պլանի մաս են կազմում՝ ստեղծելով քաղաքացիական հասարակության անաչառ կարծիքի պատրանք, իրականում նրանք հասարակական քաոսի առաջացմանն են նպաստում»,-ասաց նա :Պատգամավորը կոչ արեց ուշքի գալ, միավորվել եւ թույլ չտալ, որ գունավոր հեղաշրջումները կործանեն մեր երկիրը:
Կարդացեք նաև
Գոհար ՀԱԿՈԲՅԱՆ
