News.am. Մենք համարել ենք, համարում ենք և արձանագրել ենք դա բոլոր փաստաթղթերում, բանավոր հայտարարել, հրապարակային միջոցառումների ժամանակ, մեր պարտնյորների, ընկերների, գործընկերների հետ և՛ Բաքվում, և՛ Երևանում շփումների ժամանակ։
Դրա մասին այսօր՝ փետրվարի 6-ին, ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով հայ լրագրողի հարցին ադրբեջանական լրատվամիջոցներում հրապարակումների և Ադրբեջանի նախագահ Իլհամ Ալիևի հայտարարությունների մասին, որոնք պատմական հայկական Սյունիքի մարզի նկատմամբ տարածքային պահանջներ են պարունակում։
«Այս դիրքորոշումն այն է, որ լրատվամիջոցները, գործողության ամբողջ ազատությամբ և գրաքննության բացակայությամբ հանդերձ որպես կանխադրույթ, սահմանված կարգ, որը կանխադրված է մեր մայրաքաղաքներում, և լրատվամիջոցները, ինձ թվում է, հաշվի առնելով այն ցավն ու վիշտը, որ արդեն զգացել են այս տարածաշրջանի ժողովուրդները, պետք է իրենց պատասխանատու պահեն, այնուամենայնիվ, պետք է աշխատեն խաղաղ կարգավորման օգտին և չփորձեն ապակայունացնել իրավիճակը:
Ես հիանալի հասկանում եմ, և հենց մեզ երբեմն քննադատում են այն բանի համար, որ ռուսական լրատվամիջոցները հեռարձակում կամ ներկայացնում են իրենց տեսակետը կամ փորձագետների տեսակետը, որը չի կիսում այս կամ այն երկիրը, այն կամ այն հասարակությունը։ Մենք միշտ կոչ ենք անում մեր լրատվամիջոցներին պատասխանատու մոտենալ հատկապես զգայուն հարցերին, որոնք լի են կոնֆլիկտային ներուժով, և սա միայն քաղաքական հարթություն չէ, այո, դրանք մարդկանց կյանքեր են։ Եվ այս իրավիճակում, որը դուք նշեցիք, ես ևս մեկ անգամ հաստատում եմ թե՛ մեր դիրքորոշումը, և թե՛ մեր կոչը»,- նշել է Զախարովան։
Կարդացեք նաև
