«Երբ ցորենի 80 տոկոսը ներկրում ես մի երկրից, դա ինքնիշխանության սպասարկման ուղի չէ, հակառակն է»,- «Ա1+»-ի հետ զրույցում ասաց Անվտանգային քաղաքականության հետազոտական կենտրոնի ղեկավար Արեգ Քոչինյանը՝ հակադարձելով ԱՄՆ-ում վարչապետ Նիկոլ Փաշինյանի արած այն հայտարարությանը, թե Հայաստանը բարձրացրել է իր անվտանգության մակարդակը։
Վարչապետն իր վերջին ասուլիսում անդրադարձել էր նաև Զվարթնոց միջազգային օդանավակայանի սահմանային կետից և Իրան-Հայաստան սահմանից ռուս սահմանապահներին դուրս բերելու հարցին, ինչպես նաև ԱՄՆ -ի կողմից ՀՀ սահմանային կարողությունների զարգացմանը նպաստելու հնարավորությանը։ Քոչինյանն ասում է՝ սահմանապահ ծառայության բարեփոխման համար նախ անհրաժեշտ է այն դուրս բերել ԱԱԾ-ի կազմից։ Այդպես է արել հարևան Վրաստանը, անգամ՝ Ադրբեջանը։
«Դա բռնապետական երկրներին հատուկ լուծում է։ Սահմանապահ Ծառայությունը չպետք է լինի ԱԱԾ կազմում։ Մենք ԵՄ-ի հետ մեր պարտավորություններում նույնպես ունենք սահմանապահ ծառայությունը քաղաքացիական դարձնելու պարտավորություն»,- ասաց նա։
Քոչինյանը նաև հավելեց, որ մենք շուտով ականատես կլինենք ԵՄ-ի հետ ավելի խորը փաստաթղթային բազայի ձևավորման․
Կարդացեք նաև
«Մենք ԱՄՆ-ի հետ արեցինք հարաբերությունները խորացնելու քայլ՝ ստորագրելով ռազմավարական գործընկերության մասին խարտիան, ես մտածում եմ, որ հավելյալ քայլ կանենք նաև ԵՄ-ի հետ»։
Մանրամասները՝ տեսանյութում։
