Անցած օրերին ադրբեջանական Baku TV հեռուստաալիքը ռեպորտաժ էր հրապարակել, որում լրագրողը Բաքվում գործող «Ռուսական տուն» կազմակերպությանը մեղադրում էր մշակութային, հումանիտար գործունեության քողի տակ հակաադրբեջանական լրտեսության համար, հայտնում է «Ազատությունը»:
Ադրբեջանի ԱԳՆ-ն կոչ է արել դադարեցնել Բաքվում Ռուսական տան աշխատանքը իրավաբանական անձի կարգավիճակում չգրանցվելու պատճառով:
«Նշվում է, որ մեր ներկայացուցչությունը պետք է գրանցվի որպես իրավաբանական անձ ՝ տեղական օրենսդրությամբ», – ինչպես հայտնում է «Սպուտնիկ Արմենիա»-ն, Россия-24-ի եթերում ասել է «Ռոսսոտրուդնիչեստվոյի» ղեկավար Եվգենի Պրիմակովը:
«Բաքվում գտնվող Ռուսական տունը պետք է մեկուկես ամսվա ընթացքում ազատի իր վարձակալած տարածքները. սեփականատերը հայտարարել է այն շտապ վաճառելու իր մտադրության մասին», – ասել է Պրիմակովը՝ նշելով, որ Բաքվում Ռուսական տունը զբաղվում էր բացառապես հումանիտար համագործակցությամբ:
