Աբսուրդ է, լավ, մետրոն ինչի՞ թանկացավ,- այսօր վաղ առավոտյան տրանսպորտին սպասելիս այս հարցն էր տալիս մի քաղաքացի:
-Մետրոյի վագոններն էլ հո չե՞ն ավելացել,- այդ կնոջ հարցին ի պատասխան՝ արձագանքեց մեկ այլ քաղաքացի:
-Ես աշխատանքից ուշանում եմ, ահա, չկա տրանսպորտը, աշխատավարձը չի բարձրացել, ամեն ինչ թանկացել է, ուզում են կտրեն ամեն ինչ,- շարունակեց քաղաքացին:
Կարդացեք նաև
Քաղաքացիները տրանսպորտի սակագները բոյկոտելու մասին իրազեկող ավագանու անդամներին այսօր դժգոհեցին, որ վարորդները շատ են նախատում չվճարող քաղաքացիներին, այդ պատճառով ավագանու անդամները այսօր նաեւ վարորդների հետ աշխատանքներ տարան. «Ժողովրդին հանկարծ բան չասեք: Ձեր գործն ավտոբուս քշելն է»:
-Ես գիտեմ՝ իմ գործն ինչ է,- արձագանքեց ավտոբուսի վարորդը:
-Ինձ համար ով չի պայքարում տրանսպորտի սակագնի բարձրացման դեմ, կարճ մտածելակերպ ունի,- ավագանու անդամների խոսքը շարունակեց մի ուղեւոր:
-Եթե իմ աշխատավարձը պակասի, դո՞ւ ես տալու պակասը,- բոյկոտի մասին քարոզող ավագանու անդամներին վրդովված հարցրեց ավտոբուսի վարորդը:
– Հենց աշխատավարձդ պակասի, դու ինձ ասա, – վարորդին մխիթարեց ավագանու անդամ Գեւորգ Իսկանդարյանը:
Արփինե ՍԻՄՈՆՅԱՆ
Լուսանկարը՝ արխիվային
