Մի ամաչեք, կոչ ենք անում բոյկոտել ու երթեւեկել անվճար, -այսօր վաղ առավոտից ավագանու «Մայր Հայաստան» խմբակցության անդամները կրկին քաղաքացիներին իրազեկելու ակցիա են իրականացրել:
«Ջրվեժի պարկում մեխանիկից հասել եմ մինչեւ տնօրեն, սրանք էնքան աղ ու հաց ուտեն, որ դառնան տրանսպորտի…»,- քաղաքային իշխանություններից բողոքեց մի քաղաքացի:
Անդրադառնալով տրանսպորտի ոլորտում ստվերի վերաբերյալ խոսակցություններին՝ քաղաքացին ավելի բարկացավ. «Ամենամեծ կոռուպցիոներներն իրենք են, ի՞նչ կոռուպցիա, ինչ է` երկու կոպեկ վարորդի ջեբն էր մտնում, ոչխա՛ր, ավտոդ էր նայում: Մենք էն ժամանակ կուլտուրական սպասարկման համար առանձին փող էինք ստանում, իսկ հիմա առավոտի 5-ից մինչեւ գիշերը 12:00 աշխատում են, ղեկի վրա քանի հոգու ինֆարկտ խփեց, հլը տաք են չեն ջոկում»:
Կարդացեք նաև
Ավագանու անդամն էլ ցուցադրում էր Շենգավիթ վարչական շրջանի կենտրոնական փողոցում գտնվող կանգառի սպասասրահները. «Արձանագրում ենք, որ քարուքանդ վիճակում է: Քաղաքապետի նշած կանգառներն են, կիսավեր վիճակում, չփակված, չջեռուցվող. այսպիսի սուտ ու կեղծիքով էլ եկան իշխանության»:
Արփինե ՍԻՄՈՆՅԱՆ
