Aravot.am-ի տեղեկություններով՝ փետրվարի 4-ին ՆԳՆ ոստիկանության օպերատիվ կառավարման կենտրոնից հաղորդում է ստացվել, որ իրենց է զանգահարել «Հայ Փոստի» աշխատակցուհի Մ. Մ.-ն եւ հայտնել, որ տարեց տղամարդը «Հայ Փոստ»-ի բաժանմունքից նամակների պարկ է գողացել:
Մեկնել է ՀՈԳՎ տեսուչը, եւ տեղում պարզվել է, որ թոշակառու Ռ. Չ.-ն թոշակը ստանալու նպատակով այցելել է «Հայ Փոստ» բաժանմունք եւ այնտեղից գողացել է նամակների համար նախատեսված EMS պարկը:
Ըստ նույն աղբյուրի, նույն օրը ժ.18.00-ին գողություն կատարելու համար ձերբակալվել եւ բաժին է տեղափոխվել Ռ. Չ.-ն, որը հայտարարել է, որ չիմանալով պարկի պարունակության մասին՝ վերցրել է այն, պարունակությունը դատարկել աղբարկղը, իսկ պարկը պահել է իր մոտ՝ հետագայում կենցաղում օգտագործելու համար:
Մ. Մ.-ից ընդունվել է հաղորդում, իսկ Ռ.Չ.-ն բաց է թողնվել: Կազմված փաստաթղթերը փոխանցվել են քննչական բաժին:
