Ադրբեջանի նախագահ Իլհամ Ալիևը հրամանագիր է ստորագրել՝ էներգետիկայի նախարարությանը հանձնարելով միջոցներ հատկացնել Ուկրաինային մարդասիրական օգնություն տրամադրելու համար, հաղորդում է ԱՊԱ-ն:
Հրամանի համաձայն՝ Ադրբեջանում արտադրված էլեկտրական սարքավորումներ կուղարկվեն Կիև՝ ընդհանուր՝ 1 մլն ԱՄՆ դոլար արժեքով:
Սա առաջին դեպքը չէ, երբ Բաքուն օգնություն է ուղարկում Կիև: Ինչպես հայտնում է ՏԱՍՍ-ը, 2023 թվականի հուլիսին հինգ առանձին բեռներով Ուկրաինա է ուղարկվել ավելի քան 7 միլիոն դոլարի օգնություն. էլեկտրական մալուխներ և լարեր, տրանսֆորմատորներ և տրանսֆորմատորային կայաններ: Իսկ 2022թ.-ի մարտին՝ ըստ Ռեպորտ-ի՝ 30 տոննա օգնության է ուղարկվել Կիև:
