ԱԺ «Քաղաքացիական պայմանագիր» խմբակցությունը խորհրդարանում հանդիպում է կազմակերպել ՊԵԿ նախագահի Էդուարդ Հակոբյանի հետ՝ համընդհանուր հայտարարագրման թեմայով։
«Ես ավելի քան վստահ եմ, որ մեկ տարի հետո այս համակարգի դեմ խոսացողներն ավելի շատ են քննադատվելու, քան ես ու դուք, որ մարդկանց փորձում ենք ներկայացնել։ Անցած տասնօրյակների ընթացքում մենք կարողացանք այդ կեղծ թեզերը հերքել, որ սա որեւէ կերպ որեւէ նոր հարկային պարտավորություն մարդկանց համար չի ներկայացնում։ Ներդրման պահից դուք մտել եք քաղաքացու գրպանը, բայց ոչ թե ինչ-որ բան եք հանել, այլ 1 մլն դոլարից ավելի գումար եք վերադարձրել քաղաքացիներին»,- ՊԵԿ նախագահին դիմեց ՔՊ խմբակցության պատգամավոր Սիսակ Գաբրիելյանը։ Նա կոչ արեց ավելի պարզ ու մատչելի դարձնել համակարգը քաղաքացիների համար, ինչո՞ւ է պահանջվում էլեկտրոնային ստորագրություն եւ ոչ թե գաղտնաբառ։
ՊԵԿ նախագահն ասաց, որ, այո, իրենք նոր հարկային պարտավորություններ չեն առաջադրում, գործող Հարկային օրենսգիրքն իր բոլոր կարգավորումներով շարունակում է մնալ ուժի մեջ։ Որեւէ անձ նոր հարկ չի վճարելու՝ հայտարարագրելով իր եկամուտները, պարզապես հարկվող եկամուտները հարկվելու են, չհարկվողները չեն հարկվելու։
Անդրադառնալով հարցին, թե ինչո՞ւ միայն գաղտնաբառով հնարավոր չէ լրացնել հայտարարագիրը, ՊԵԿ նախագահն ասաց․ «Նույն հարցը երեկ ինձ մոտ էր ծագել։ Սա ՊԵԿ տիրույթի հարց չէ, մասնագետները վերահաստատեցին, որ նույնականացումն անկախ ամեն ինչից կարեւոր է «Ես եմ» համակարգով, որպեսզի մենք հստակ իմանանք՝ ում հետ գործ ունենք»։
Կարդացեք նաև
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
