Այսօր կառավարության շենքի դիմաց կրկին բողոքի ցույց էին անում ՓՄՁ ներկայացուցիչները: Նրանք շատ վրդովված էին, որ արդեն քանի օր է՝ իրենց բողոքի ձայնն են բարձրացնում, բայց լսող ու ընդառաջող չկա:
Հիշեցնենք, որ ՓՄՁ ներկայացուցիչները բողոքում են 2025 թվականի հունվարի մեկից ուժի մեջ մտած հարկային թանկացումներից:
Կարդացեք նաև
«Մենք զոռով, իրենց վերցրել, դրել ենք իշխանության, բայց այսօր մեր իշխանության ղեկավարները բերաններից կաթնահոտ եկող երիտասարդներ են: Նիկոլս արեց այն ամենը, ինչից ինքը միշտ բողոքում էր ու ցույցեր էր կազմակերպում: Եթե նախկինները չկարողացան մինչեւ վերջ իրագործել, ինքը արեց մինչեւ վերջ՝ Ղարաբաղն էլ տվեց, ժողովրդին էլ ավելի սնանկացրեց: Այսինքն՝ տրանսպորտը թանկացնում ես, որ մարզերից համբալ գյուղացիների երեխեքը չգան կրթություն ստանա՞ն, տրանսպորտի փող չունենան, չէ՞: Դա է ձեր ուզածը: Ինքն արդեն մոռացել է, որ գյուղացու երեխա է եղել: Թող վերանայի իր տված թոշակը, որ ասում է՝ կալորիա հերիքացնող է, իր ծնողը դրանով կապրե՞ր: Մենք իրեն բերեցինք ՝ իմանալով, որ էդքան հասուն չէ, որ երկիր ղեկավարի, բայց ուրիշը չկար, բերեցինք՝ մտածելով, որ ժողովրդի ծոցից դուրս եկած մարդ է: Ու ինքը ի՞նչ արեց՝ժողովրդի ծոցի մեջն արեց»,- դժգոհեց ՓՄՁ ներկայացուցիչներից մի կին:
Նա վստահեցրեց, որ եթե այս իշխանությունները հրաժարական չտան, ժողովուրդը կհեռացնի. «Մենք բերել ենք, մենք էլ կհանենք, թող վախենան, որ պատի տակը հանկարծ չքարկոծվեն: Հերիք է ժողովրդին գազազեցնեն»:
Արփինե ՍԻՄՈՆՅԱՆ
Լուսանկարը՝ «Sputnik Արմենիա»-ի
