-Մերը կուսակցություն չէ, շարժում է, ղեկավարն էլ Անդրանիկ Թեւանյանն է,- «Մայր Հայաստան» խմբակցության ավագանու անդամն այսօր մանրամասն այսպես տրանսպորտում բացատրում էր քաղաքացիներին, թե ով են իրենք, երբ քաղաքացիներից մեկը Թեւանյանի անունը լսելով՝ վրա տվեց:
-Հա՜, ավելի վատ, էն որ Ռուսաստանում վեր ընգա՞ծ է,-արձագանքեց մի տարեց տղամարդ,- ու շարունակեց,-խնդրում եմ տղա ջան, 75 տարեկան մարդ եմ:
-Ձեր թոշակն ինչքա՞ն է,- հետաքրքրվեց ավագանու անդամը:
-Առաջ ստանում էի շատ քիչ, հիմա 36.000 դրամ, այ սենց գոհ եմ, ինձ հերիք է,- պատասխանեց տարեց տղամարդը:
Կարդացեք նաև
-Իսկ նվազագույն զամբյուղը գիտե՞ք՝ ինչքան է,- հարցրեց ավագանու անդամը:
-Գնացեք՝ էդ ձեր նվազագույն զամբյուղները էն կուսակցության անդամներին ասեք, Թեւանյանին ասեք… հոգնել եմ, նրանք այնտեղից են ասում, դուք այստեղից, թողեք հանգիստ ապրենք: Իմ զամբյուղը լիքն է,- արձագանքեց իր թոշակի չափից գոհ տարեց տղամարդը:
Արփինե ՍԻՄՈՆՅԱՆ
