«Հայաստանի ոչ մի իշխանություն տարածքային պահանջ չի ներկայացրել իր հարևաններից ոչ մեկին։ Այս փաստարկը հաճախ է օգտագործվում որպես հիմնավորում Արարատի և Արագածի մասին խոսույթը ավելորդ և վնասակար որակելու համար։
Պարզապես դրանից հինգ րոպե հետո հնչում է մի միտք, թե Հայաստանի ոչ մի իշխանություն երբեք չի ճանաչել Լեռնային Ղարաբաղը Ադրբեջանի տարածքային ամբողջականության կազմում, և որ Նիկոլ Փաշինյանն առաջինն էր:
Չունենալ տարածքային պահանջներ Ադրբեջանի նկատմամբ, բայց նաև չճանաչել Ադրբեջանի տարածքային ամբողջականությունը։ Առաջարկվել են բազում դիվանագիտական հնարքներ, թե ինչպես կարելի էր այս երկու դիրքորոշումը միաժամանակ պաշտպանել (թե ինչ հաջողությամբ, այլ հարց է) միջազգային հանրության առջև։
Բայց երբ ինքներս մեզ հետ ենք մնում, մի՞թե կարող ենք միմյանց հանդեպ դիվանագիտական հնարք կիրառել։ Արարատի և Արագածի մասին խոսույթը՝ Իրական Հայաստանի մասին խոսույթը նախևառաջ ինքներս մեզ հետ խոսելու մասին է և հետո նոր աշխարհին ներկայանալու»։
Կարդացեք նաև
ՀՀ ԱԺ «Քաղաքացիական պայմանագիր» խմբակցության պատգամավոր Մարիա Կարապետյան
