«Նախկին իշխանությունների գրպանում էլ տեղ չկա: Ինչ ասես տեղավորել են, բայց արդեն էլ չի տեղավորվում, որովհետեւ փաստերի ու ճշմարտության դեմ ստերով պայքարելը չի ստացվում: Դա հեռանկար չունեցող գործունություն է: Մեր ժողովուրդը հստակ տեսնում է՝ ինչ է ունեցել ու ինչ ունի»,- այսօր լրագրողների հետ զրույցում ասաց Պաշտպանության նախարարի նախկին տեղակալ, ՀՀԿ գործադիր մարմնի անդամ Արտակ Զաքարյանը՝ անդրադառնալով դիտարկմանը, թե գործող իշխանությունները հիմա էլ Մեղրիի հանձնման փորձն են փորձում գցել նախկին իշխանությունների գրպանը:
«7 տարին նորաստեղծ պետության համար հսկայական ժամանակահատված է, ինչ աղետներ ու ավերածություններ եղել են, այս 7 տարվա ընթացքում են եղել: Ինչ կասեն Մեղրիի մասով, թե Գոբլն ինչ է առաջարկել, ինչ են քննարկել, Ալիեւներն ինչ են առաջարկել, այսօր դատարկ խոսակցություններ են: Փաստ է, որ Մեղրին ՀՀ մաս է, իսկ Արցախն ամբողջությամբ ադրբեջանականացվել է, այն դեպքում, երբ Արցախում ՀՀ ու Արցախի դրոշներն էին»,- շարունակեց Զաքարյանը:
Նա նկատեց, որ Փաշինյանը հենց այնպես իշխանությունը չի հանձնելու ժողովրդին, դա պետք է արվի ընդդիմության համախմբված ջանքերով, ապա վստահեցրեց՝ այս իշխանությունները ուզեն, թե չուզեն դա լինելու է:
Կարդացեք նաև
Արփինե ՍԻՄՈՆՅԱՆ
Լուսանկարը՝ Տիգրան Աբրահամյանի ֆեյսբուքյան էջից
